O XI Festival Infantil enche de música e tradición o Auditorio Hernán Naval
O próximo sábado 26 de abril, ás 17:30 horas, o Auditorio Municipal Hernán Naval de Ribadeo será escenario dunha tarde chea de cor, música e tradición co XI Festival Infantil, unha cita moi especial para os amantes da cultura galega.
Organizado pola Asociación Amigas da Gaita Galega de Ribadeo, o festival reunirá aos máis pequenos vestidos cos traxes tradicionais, ofrecendo un espectáculo que combina música, baile e moita ilusión. As novas xeracións serán as protagonistas dunha xornada pensada para manter vivas as nosas raíces e para transmitir ás familias o amor pola nosa cultura popular.
A entrada ao evento é libre, e conta coa colaboración do Concello de Ribadeo, sempre comprometido coa promoción das iniciativas culturais locais.
O XI Festival Infantil é máis que unha actuación: é unha celebración da identidade galega e unha mostra de que tradición e futuro poden ir da man cando se aposta pola educación cultural desde a infancia. Unha cita imperdible para gozar en familia e apoiar aos nosos pequenos artistas.
Debe estar conectado para enviar un comentario.