Continúa o 25 de maio con música ao vivo na rúa San Francisco

A programación de lecer e dinamización comercial Domingueo en Ribadeo, organizada polo Concello de Ribadeo e a asociación Acisa, continúa este domingo 25 de maio cunha nova proposta musical na rúa San Francisco.

A partir das 13:00 h, o músico Pablo Valdés animará o mediodía con música en directo, creando un ambiente perfecto para acompañar os paseos, as compras e o vermú de domingo no centro da vila.

Este ciclo de actividades forma parte dunha iniciativa que busca dinamizar a vida local durante os fins de semana e atraer visitantes, promovendo ao mesmo tempo o comercio e a hostalaría ribadense.

📅 Datas do “Domingueo en Ribadeo 2025”

  • ✔️ 27 de abril
  • ✔️ 4 e 25 de maio
  • ⏩ 15 e 29 de xuño
  • ⏩ 6 de xullo

En cada unha destas xornadas haberá música, animación e actividade nalgún recuncho da vila. As actuacións vanse desprazando por distintas rúas e espazos, dando vida a diversos puntos do centro urbano.